Azərbaycan Beynəlxalq Bankı ilə AFFA arasında bağlanmış müqaviləyə uyğun olaraq idarəçiliyi assosiasiyaya verilmiş “İnter” Peşəkar İdman Klubunun (PİK) Müşahidə Şurasının sədri vəzifəsinə AFFA-nın İcraiyyə Komitəsinin üzvü Zaur Axundov təyin edilib.
XALQ.AZ xəbər verir ki, Azərbaycan Futzal Federasiyasının prezidenti də olan Axundov bundan sonra kluba rəhbərlik edəcək.
AFFA tərəfindən “İnter” PİK-ə səlahiyyətli nümayəndə təyin edilən Rəmiş Malıyev isə İcraçı direktor vəzifəsini icra edəcək.
Xatırladaq ki, Axundov bu ilin martında AFFA İcraiyyə Komitəsinə yeni üzv seçilib