Zaqatala rayonunda məktəb binasında yanğın baş verib.
Xalq.az-ın xəbərinə görə, hadisə rayonun Muğanlı kəndində baş verib.
Fövqəladə Hallar Nazirliyinin Zaqatala rayon dövlət yanğından mühafizə xidmətindən verilən məlumata görə, ötən gün axşam saatlarında kənddə ümumi sahəsi 2300 kv/m olan məktəb binasının dam örtüyünə çəkilmiş qır yanıb.
Yanğınsöndürənlərin səyi nəticəsində yanğının genişlənməsinin qarşısı dərhal alınıb.
Yanğın saat 20:35-də yanğınsöndürənlər tərəfindən söndürülüb.