Millət vəkili Vahid Əhmədov növbəti dəfə respublikada elan olunmuş karantin tələblərinə riayət olunmaq şərti ilə Quba rayonundakı deputat ofisində seçicilərini qəbul edib.
XALQ.AZ xəbər verir ki, qəbulda 63 nəfər Quba və qonşu rayon sakinləri iştirak ediblər. Deputata pandemiya şəraitində qəbulu təşkil etdiyinə görə seçicilər tərəfindən minnətdarlıq ifadə olunub. Əhalini narahat edən məsələlər- torpaqların paylanması, yardımların edilməsi, iş yerlərinin təşkili, karantin şəraitinin yaratdığı bir çox problemlər araşdırma və müzakirə mövzusu olub.
Millət vəkilinin müraciətləri əsasında bir çox məsələlər öz həllini tapıb. Qəbul zamanı ehtiyacı olan sakinlərə yardımlar edilib. Belə qəbulların gələcəkdədə təşkil ediləcəyi və onlara bu barədə əlavə məlumat veriləcəyi seçicilərin nəzərinə çatdırılıb.
XALQ.AZ
