Bu gündən etibarən sakinlərimizin çoxsaylı müraciətləri əsasında dairəmizin 12 həyəti, 6 dalanı və 2 keçidində asfalt örtüyünün yenilənməsinə start veririk.
Bunu Milli Məclisin deputatı Elnur Allahverdiyev bildirib.
Millət vəkili qeyd edib ki, proses 3 mərhələdə həyata keçiriləcək və Bayır şəhərin (Sovetskinin) bir neçə küçəsini əhatə edəcək. Göstərdikləri dəstək və köməyə görə Yasamal Rayon İcra Hakimiyyətinə və sosial tərəfdaşlarımıza təşəkkür edirik. Qoy bu aksiya seçicilərimizə bizdən Respublika Gününə bir ərməğan olsun!
Yeri gəlmişkən, start verdiyimiz bir neçə iri layihələrimizin icrası davam edir. Hər birini sona çatdırmaq əzmimiz və iradəmiz hədsizdir. Biz danışmağı deyil, işləməyi sevirik. Ona görə də yolumuza davam edirik deputat qeyd edib.
