Ukraynanın Slavyansk şəhərinin rusiyapərəst “xalq meri” Vyaçeslav Ponomaryov amerikalı jurnalist Simon Ostrovskini girov götürdüklərini bildirib.
Xalq.az-ın verdiyi məlumata görə, ABŞ və İsrailin vətəndaşı olan Ostrovski Amerikanın “Vice” nəşrinin əməkdaşıdır.
“O, bizim əlimizdədir. Hazırda material üzərində işləyir”, – deyə Vyaçeslav Ponomaryov bildirib.
Bu arada “Vice” nəşri Simon Ostrovskinin əsirlikdə olduğunu təsdiqləyib.
“Biz Ostrovski ilə bağlı vəziyyətdən xəbərdarıq. Dostumuz və bizim həmkarımızın azad olunması üçün çalışırıq”, – deyə “Vice” nəşrinin tvitində bildirilir
