Azərbaycan Mərkəzi Bankı (AMB) “Bank Melli İran”ın Bakı filialının bağlanması üçün risk görmür.
Bunu Mərkəzi Bankın idarə heyətinin sədri Taleh Kazımov uçot dərəcəsi parametrlərində dəyişikliklərə həsr olunmuş mətbuat konfransında deyib.
Onun sözlərinə görə, “Bank Melli İran”ın maliyyə göstəriciləri yetərincə yüksəkdir, likvidlik də yüksək səviyyədədir.
“Düşünürük ki, bütün banklar öz fəaliyyətlərini Azərbaycan qanunvericiliyinə, habelə Mərkəzi Bankın müəyyən etdiyi tələblərə uyğun olaraq həyata keçirməlidir”, – deyə o qeyd edib.
