Ötən gün axşam saatlarında Hacıqabulda dəmir yol stansiyasında yanğın olub.
XALQ.AZ-ın Fövqəladə Hallar Nazirliyinin saytına istinadən məlumatına görə,
Hacıqabul rayonu, Muğan dəmir yol stansiyasında Dəmir Yol İdarəsinin təmir-tikinti briqadasına məxsus vaqonlardan birində yanğın hadisəsi baş verib.
Hadisə nəticəsində 8 vaqondan ibarət dayanmış qatarın 1 vaqonunun (fəhlələrin istirahət vaqonu, sahəsi 36 kv.m) yanar konstruksiyaları və içərisindəki əşyalar yanıb.
Qatarın qalan vaqonları yanğından mühafizə olunub.
Yanğın saat 22:21-də yanğınsöndürənlər tərəfindən söndürülüb.
