Bakını yerüstü və ya yeraltı keçidləri qarlı havalarda əsl problemə çevrilib. Təhlükəsiz olsun deyə yolu yerüstü keçidlə keçmək istəyənlər daha böyük təhlükə ilə üzləşir. Belə ki, mərmər və ya metlaxla döşənmiş keçidinüstünə qar da yağanda təhlükə ikiqat, dördqat artır.

XALQ.AZ xəbər verir ki, belə yerüstü keçidlərdən biri də Ziya Bünyadov prospektindəki kənarları açıq olan yeni yerüstü keçiddir.

Normalda yolun o biri tərəfinə keçmək üçün uzağı 2 dəqiqə vaxt lazımdırsa, qış mövsümündə buradan keçmək üçün azı 10 dəqiqə və möhkəm bir iradə tələb olunur. Sürüşkən mərmər və metlaxlı keçidlə yolu keçməkdənsə, avtomobillərin şütüdüyü yoldan keçmək daha təhlükəsizdir.

Maraqlıdır, qarlı və yağışlı havada ciddi problem olan bu keçidləri inşa edənlər heç özləri bir dəfə də olsun buradan keçiblərmi?

Jurnalist Aysel Azadın təhlükəli keçiddən çəkdiyi fotoları təqdim edirik:Tribunainfo.az