Türkiyədə reyd keçirən polislər naməlum silahlıların hücumuna məruz qalıb.
XALQ.AZ-ın “Doğan” agentliyinə (DHA) istinadən verdiyi məlumata görə, hadisə Diyarbəkir şəhərində baş verib.
Məlumata görə, naməlum şəxslərin uzunlüləli silahlardan açdığı atəş nəticəsində 3 polis müxtəlif dərəcəli bədən xəsarətləri alıb.
Bölgədə hadisəni törədən şəxslərin yaxalanması istiqamətində əməliyyat-axtarış tədbirləri davam edir.