15 saylı Yasamal birinci seçki dairəsindən deputatlığa namizəd Ülvi Quliyev Gənclər günü münasibətilə Azərbaycan gəncliyini təbrik edib.
XALQ.AZ xəbər verir ki, bu münasibətlə hazırlanmış videomaterialda Ülvi Quliyevin gənclərlə görüşləri əks olunub. Videomaterialda Ümummilli Lider Heydər Əliyevin gənclərlə bağlı söylədiyi dəyərli fikirlər yer alıb.
Göstərilən etimad, verilən səslər sayəsində 3, 4 və 5-ci çağırışlarda deputat seçilən və seçildiyi dairədən yenidən namizədliyi irəli sürülən Ülvi Quliyev ötən seçkilərdə olduğu kimi, bu seçkilərdə də 15 saylı Yasamal birinci seçki dairəsindəki seçicilərinin dəstəyini gözləyir.
Deputatı olduğu ərazidə sakinlərin sosial problemlərinin və qayğılarının həllinə nail olan, rahat və ədalətli mühitdə yaşamasına şərait yaradan Ülvi Quliyevin gördüyü işlər sakinlər tərəfindən yüksək qiymətləndirilir.
Vətəndaşlar da bu illər ərzində onların problem və qayğılarından xəbərdar olan Ülvi Quliyevi yenidən deputat görmək istədiklərini bildirirlər.
Ülvi Quliyev də sakinləri narahat edən problemləri səlahiyyətləri çərçivəsində dövlət qurumları qarşısında qaldırmaqda və onların problemlərinin həllini tələb etməkdə tərəddüd etməyəcəyini qeyd edib.
XALQ.AZ
