Milli Məclisin deputatı Vahid Əhmədov Quba şəhərində yerləşən ofisində seçiciləri ilə növbəti dəfə görüşüb.
XALQ.AZ xəbər verir ki, görüş zamanı seçicilərinin çoxsaylı suallarını cavablandıran millət vəkili ölkədəki ictimai siyasi vəziyyətdən, xalqın sosial vəziyyətinin yaxşılaşdırılması istiqamətində son zamanlar atılan addımlardan, problemli kreditlərin həlli üçün qəbul olunan qərarlardan bəhs edərək müvafiq izahatlar verib. Qəbul üçün qeydiyyatdan keçmiş 56 Quba və Xaşmaz şəhərindən gəlmiş sakin istəklərinə uyğun olaraq təkbətək qəbul ediblər. İşlə təmin olunma, ev tikintisi üçün torpaq sahələrinin ayrılması, təhsil haqlarının ödənilməsindəki çətinliklər, bəzi rayon təşkilatlarında müraciətlərə baxılması zamanı yaranan haqsızliqlar və digər məişət məsələlər əhali tərəfindən deputat qarşısında qaldırılan məsələlər sırasında olub. Rayonun Yenikənd,Möhüc, Gültəpə, Tülər, Aşağı Tüləkəran, Yuxarı Tüləkəran və Suxtakələ kəndlərini rayon mərkəzi ilə birləşdirən yolun təmiri ilə bağlı əhalinin müraciəti nəzərə alınaraq problem Yol idarəsınin rəisi Gülağa Əliyevlə müzakirə edilmiş və müvafiq qərar qəbul edilib. Son və əvvəlki qəbullar zamanı və həllini mütləq tapmalı olan məsələ- Quba şəhərinin 2000-ə yaxın əhalinin məskunlaşdığı Dəvədabanı adlanan yaşayış massivində qazın olmamasıdır. Əhalinin dəfələlərlə Azəriqaza müraciət etməsinə baxmayaraq, verilən cavablarda qazlaşdırmanı vətəndaşların öz hesabına aparılması təklif olunur. Belə yanaşma əhali üçün tupik vəziyyət yaradır. Hesab edirik ki, bu məsələ tezliklə öz həllini tapmalıdır.
Qəbuldan sonra deputatın İcra Hakimiyyətinin başçısı Ziyəddin Əlyevlə görüşündə vətəndaşlar tərəfindən qaldırılan məsələlər barəsində müzakirələr aparılıb, həlli üçün tədbirlər müəyyənləşdirilib.
Orxan