Ağsu sakinləri ərizə yazmaqdan beziblər
Bildiyiniz kimi ölkə başçısı regionların sosial inkişafı üçün hər il dövlət büdcəsindən və Prezidentin ehtiyyat fondundan lazımi vəsait ayırır. Ağsu rayonunun inkişafı üçün də kifayət qədər pul ayrılsa da həmin pulların necə xərclənməsi bilinmir. Ağsu rəsmilərinin dediyinə görə rayonda əsaslı təmir işləri aparılıb. Ancaq müşahidələr göstərir ki, orada əsaslı təmirdən heç bir söhbət gedə bilməz. Bunlardan əlavə sakinlərin problemləri artıq pik həddə çatmışdır. Məlumata görə Ağsu rayon icra hakimiyyətinin başçısı Ənvər Seyidəliyev artıq 2 aydır ki, vətəndaşlarla qəbul keçirtmir,qəbula gələn kənd sakinləri isə icra nümayəndələrinə yönləndirilir. İcra nümayədələridə kənd sakinlərini aldadaraq verilən ərizələrin baxılması üçün zaman tələb olunduğunu bildirilər. Ağsu sakinlərin problemlər olduğu kimi qalır. Ağsu rayonunda isə problemlər çoxdur ki, bu da vətəndaşların haqlı narazılığına səbəb olur.Belə ki, rayonda sosial yardımlar düzgün ayrılmır, abadlıq işləri zəif aparılır,məmurlar vətəndaşların şikayətlərinə məhəl qoymur. Başqa bir məlumatda bildirilir ki, icra başçısı Ənvər Seyidəliyev sahibkarlara və fermerlərə ayliq vergidən əlavə ödəniş verilməsini tələb edir. Belə ki, ilin əvvəlindən başlayan kampaniya bu gündə davam edir. Bu səbəbdən sahibkarlar və fermerlər artıq Prezidentə şikayət etməyi planlaşdırırlar.
Ölkə başçısı öz çıxışlarında hər zaman sahibkarlara lazimi şəraitin yaradılmasından, onlara hər cür dövlət tərəfindən köməklik göstərilməsini bildirir. Lakin Ənvər Seyidəliyev Ağsunu öz təbilincə idarə etməyi lazım bilir .
P.S. Ənvər Seyidəliyevlə dəfələrlə əlaqə yaratmağa çalışsaqda heç bir nəticə vermədi.
Qarşı tərəfidə dinləməyə hazırıq.