Xızılılar hər gün ərizə yazmaqdan beziblər
Bildiyiniz kimi ölkə başçısı regionların sosial inkişafı üçün hər il dövlət büdcəsindən və Prezidentin ehtiyyat fondundan lazımi vəsait ayırır. Xızı rayonunun inkişafı üçün də kifayət qədər pul ayrılsa da həmin pulların necə xərclənməsi bilinmir. Xızı rəsmilərinin dediyinə görə rayonun mərkəzi və yolları guya əsaslı təmir olunub. Ancaq müşahidələr göstərir ki, orada əsaslı təmirdən heç bir söhbət gedə bilməz. Bunlardan əlavə sakinlərin problemləri artıq pik həddə çatmışdır. Məlumata görə Xızı İcra Başçısı Xəzər Aslanov artıq 3 aydır ki, vətəndaşlarla qəbul keçirtmir,qəbula gələn kənd sakinləri isə icra nümayəndələrinə yönləndirilir. İcra nümayədələridə kənd sakinlərini aldadaraq verilən ərizələrin baxılması üçün zaman tələb olunduğunu bildirilər. Xızı sakinlərin problemlər olduğu kimi qalır. Xızı rayonunda isə problemlər çoxdur ki, bu da vətəndaşların haqlı narazılığına səbəb olur.Belə ki, rayonda sosial yardımlar düzgün ayrılmır, abadlıq işləri zəif aparılır,məmurlar vətəndaşların şikayətlərinə məhəl qoymur. Başqa bir məlumatda bildirilir ki, icra başçısı Xəzər Aslanov sahibkarlara ayliq vergidən əlavə ödəniş verilməsini tələb edir. Bu hadisə seçkidən öncə başlamasına baxmayaraq ilin sonunadək davam etdiriləcəyini təmin edən sahibkarlar artıq Prezidentə şikayət etməyi planlaşdırırlar.
Ölkə başçısı öz çıxışlarında hər zaman sahibkarlara lazimi şəraitin yaradılmasından, onlara hər cür dövlət tərəfindən köməklik göstərilməsini bildirir. Lakin Xəzər Aslanov Xızını öz təbilincə idarə etməyi lazım bilir .
P.S. Xəzər Aslanovla dəfələrlə əlaqə yaratmağa çalışsaqda heç bir nəticə vermədi.
Qarşı tərəfidə dinləməyə hazırıq.
