Zərdab kənd sakinlərini dinləyən yoxdur
Zərdab sakinləri Xalq.az müraciət edərək şikayətləniblər. Belə ki, Zərdab rayonunda yaranan problemlərin həlli istiqamətində heç bir addım atılmır. Kəndlərdə yaşayanlar sosial problemlərin həlli üçün İcra Hakimiyyətinin başçısı Lütvəli Babayevə müraciət etməklərinə baxmayaraq heç bir dəyişiklik olmadığını vurğulayırlar. Körpükənd,Dəli Quşçu,Qaravəlli,Çallı, və Pərvanlı sakinlərinin sosial-iqtisadi problemləri uzun illərdir həll edilməz olub. Belə ki, Lütvəli Babayevə müraciət etməkdən daha beziblər. Acınacaqlı vəziyyətdə yaşayan kənd sakinləri “Regionların sosial-iqtisadi inkişafı” Dövlət Proqramı bütün regionları əhatə etdiyi halda, Zərdab Rayon İcra Hakimiyyətinin başçısının təşəbbüskarlığının olmaması səbəbindən bu kəndlərdən yan keçib. Kənd sakinləri redaksiyaya müraciət edərək bildiriblər ki, yaxın günlərdə rayonun mərkəzinə yürüş edəcəklər əğər icra başçısı bizi qəbul etməsə aksiya keçiriləcək.
Qarşı tərəfindən mövqeyini dərc etməyə hazırıq
