Qərbi Qazaxıstan əhalisi göydə qeyri-adi cismin peyda olmasını görüblər.
XALQ.AZ-ın məlumatına görə, hadisə sentyabrın ikisindən üçünə keçən gecə saat 23:25 radələrində baş verib. İnsanlar göydə bir neçə işıq saçan obyekt görüblər. İlk öncə işıq saçan cisimlər sonradan sönərək yox olub.
Cisimlərdən biri uzun müddət uçub, lakin daha sonra o da sönərək naməlum şəkildə yoxa çıxıb.
Daha sonra məlum olub ki, Qazaxıstan əhalisi orbitdə vaxtı bitərək yerə düşən və Yerin atmosferinin üst qatında yanan süni peyklərdən birini görüb.
