Xarici işlər naziri Elmar Məmmədyarov Səudiyyə Ərəbistanının Azərbaycana yeni təyin olunan səfiri Hamad Abdulla Xudayiri qəbul edib.
XALQ.AZ xəbər verir ki, Nazirlikdən verilən məlumata görə, görüş zamanı ikitərəfli siyasi münasibətlərin inkişafından məmnunluğunu ifadə edən tərəflər iki ölkə arasında iqtisadi sahədə əməkdaşlığın dərinləşdirilməsinin əhəmiyyətini, o cümlədən biznes forumların keçirilməsinin vacibliyini vurğulayıblar. Habelə tərəflər enerji, nəqliyyat və digər sahələrdə əməkdaşlıq məsələlərini müzakirə ediblər.
Səfir Hamad Abdulla Xudayir etimadnaməsinin surətini nazir E.Məmmədyarova təqdim edib.
E.Məmmədyarov Səudiyyə Ərəbistanının yeni təyin olunmuş səfirinə diplomatik fəaliyyətində uğurlar arzulayıb.
Orxan
