Tələbə Qəbulu üzrə Dövlət Komissiyası (TQDK) mayın 11-də 2-ci və 3-cü ixtisas qrupları üzrə əvvəlki illərin məzunları üçün keçirilmiş qəbul imtahanında abituriyentlərə təqdim olunmuş test suallarının məzmunu ilə bağlı appelyasiya komissiyası yaradıb.
TQDK-dan verilən məlumata görə Appelyasiya komissiyası mayın 12-də saat 10-dan 17-dək fəaliyyət göstərəcək.
Qeyd edək ki, may ayın 18-də I və IV ixtisas qrupları üzrə imtahan verəcək abituriyentlər “İmtahana buraxılış vərəqi” ni çap edə bilərlər. Buraxılış vərəqini çap etmək üçün TQDK-nın saytına girmək kifayətdir.
İmtahana gələrkən “İmtahana buraxılış vərəqi” və şəxsiyyət vəsiqə mütləq götürülməlidir.
Ötən gün isə əvvəlki illərin məzunları 2-ci və 3-cü ixtisas qrupları üzrə imtahan veriblər. Artıq imtahanda istifadə olunmuş test tapşırıqlarının düzgün cavabları TQDK-nın saytında yerləşdirilib.
Qeyd edək ki, bu ilin məzunları tam orta və orta ixtisas təhsili müəssisələrini 2014-cü ildə bitirən, həmçinin ali təhsil müəssisələrini bu il bitirib ikinci ali təhsil almaq istəyən şəxslər üçün qəbul imtahanları iyul ayında keçiriləcək.
