Mingəçevir sakini Bakıda bədbəxt hadisənin qurbanı olub.
XALQ.AZ-ın Daxili İşlər Nazirliyinin mətbuat xidmətinə istinadən xəbər verir ki, avqustun 28-də Mingəçevir şəhər sakini Elşən Piriyevi Binəqədi rayonu M.Ə.Rəsulzadə qəsəbəsində təmir işləri apardığı evdə elektrik cərəyanı vurub.
Həkimlərin səyinə baxmayaraq, mərhumun həyatını xilas etmək mümkün olmayıb.
Hazırda faktla bağlı hüquq-mühafizə orqanları araşdırmaya başlayıb.
Hadisənin dəqiq səbəbi araşdırmalardan sonra məlum olacaq.